主演： 毛舜筠  黎耀祥  陈国邦  钟景辉  郭少芸  汤盈盈  胡渭康  马贯东  李天翔  黄秋生  何启南   备注： 完结 类型： 香港剧 导演： 邵丽琼  罗镇岳   地区： 香港 年份： 2016 语言： 粤语 时间： 2020-07-22 15:23 黎耀祥、陈国邦、汤盈盈及胡渭康日前为全新TVB处境剧《八时入席》试造型。黎耀祥在《八时入席》中扮演电视台监制角色，今次演员卡士强劲，他三度与毛舜筠合作好期待。至于会否爆电视台内幕，他笑称也希望，因为不论真假也可增加观众的趣味性。另外，汤盈盈为演发型师角色染发。

我同阿妈一路落嚟第一部到《八时入席》都煲咗（有啲集数冇煲嗮），应该可以讲几句。

正如楼上大家讲嘅咁，第一部人物关系塑造好唔错，John Ma一家人、严律师夫妇、律师事务所各位同事，仲有经常客串嘅曹总、曾超人等等，企得稳、笑得出，唔会突然扑街（OOC）。当然，有成800集咁长嘅篇幅讲古仔，肯定够时间讲清楚咩回事。特别表扬一下扮大佬马强嘅徐荣，我第一次留意佢就喺《同事三分亲》嘅“狗俊”，后嚟发现哩个人演技算几自然，响《爱回家》系列嘅两个角色（目前分别喺马强同丁子峰），都做得可以，区分得开，唔会点走形。

第二部就真喺好有病，我好少见到剧/电影喺角色会无端端同电视外观众吐槽嘅，哩种讲故事嘅方法响故事前段/中段尤为明显，令我好想转台（于是我就真喺忍无可忍转咗台）。哩种方式其实可以叫“打破次元墙”，优秀案例譬如《死侍》，甚至《搞笑漫画日和：平田篇》，人哋成个故事喺处于非一般日常状态下讲述嘅，所以唔会睇到观众尴尬。或者就算喺第一人称旁白（乃至夹硬卖鸡汤、扮文艺青年、作几首诗），都绝对好过突然停嗮成个画面，放大聚光落主角度叫佢讲嘢。

后嚟大师同表姐两个“相爱相杀”嘅角色终于走咗（终于唔使睇两个缺乏交流嘅所谓爱人互相折磨），故事迎来咗更令人想转台嘅新高峰。恶俗三角恋情节，一个深情元气海味铺太子爷，一个自食其力甘愿帮人供楼自己住劏房傲娇老板（越睇越觉得个脑入水），仲有一个“我好坚强好自食其力好比心机做嘢，感情上唔想hurt任何一个人，同外面果啲妖艳贱货好唔一样”嘅“白莲花”，直情睇到反胃。健身房其他同事亦很多富有令人烦操嘅个性（海味铺相较之下仲勉强好啲），有句话讲得好：“我平时生活都过得够反胃啦，开电视就喺想睇啲爽嘅剧情，点解仲要我睇到咁多咁嘅人咁嘅事”，虽然句话我唔喺全部同意，但真喺有道理。哩part唯一我记得住，又觉得顺眼嘅角色，就得乐儿细佬、海味铺老细同埋小花几个（其他人就算再顺眼我都记唔住，冇计）。

可能TVB都发现个故事令人非常反感，所以开始频繁加入马家嘅情节互动（包括阿Ming等），等观众有翻啲追剧嘅动力。后期再加入乐儿爸爸、Billy秘书等有些亮点嘅角色嘅故事，总算将剧情勉强拉翻上平均水平。

终于讲到第三部。
第三部因为喺讲述电视台TVI内发生嘅故事，编剧比较熟悉平日剧集、节目等嘅制作流程同环节等专业内容，所以的确唔会跑偏得太厉害。
然后人物方面，我可以话，我同我阿妈都觉得好满意。
首先讲翻角色造型，我妈觉得哩部时装剧啲人定妆好得体，尤其是汤盈盈，佢赞不绝口。我觉得至少每个角色着装打扮唔会太乱嚟，比同期播放唔少时装剧都要顺眼。
跟住到人物性格塑造，大部分人至少响套路上可以攞到及格以上分数。黄秋生算特别加（洗）分（白？）项（毕竟剧中除咗黄秋生，我亦真喺冇见过其他扮“大明星”嘅演员真喺“大明星”）。
讲讲毕竟中意嘅角色。
画哥，烂赌（故事一开头）、卸膊、hae，但好锡个侄女，希望保护佢唔好受伤害。陈国邦演技信得过，从近期播放的《公公出宫》医生跨到幺叔哩个角色，冇任何令我跳戏嘅地方，两个角色都中意。
阿虹，幸福小妇人，八卦、度缩，但对好朋友有义气，对最爱嘅老公亦坚持自己原则。汤盈盈冇问题，哩个可能喺我印象中佢最加分嘅角色。至于佢老公罗四维……口音真喺好大陆，要佢扮香港人真喺有啲难为佢。不过考虑到中港货车司机，加埋之前“结咗婚廿年”（睇年纪觉得明明似十年）嘅EX又喺讲普通话嘅，咁嘅口音可以理解。
道具明，有技术，但做嘢好hae兼甩漏，仲成人虾细嘅（主要喺阿齐），非常爱老婆，其他人都顶唔顺。哩个角色比“娄尚友”精彩好多咯。
云小姐&Ryan，哩两个角色套路好明显，以至于唔止我一个冧起当年《同事三分亲》嘅Diana同裘俊（TVB吧以及TVB官网论坛都有相关讨论），哩两pair人角色定位同相处模式都比较相似，理性冷淡女上司及默默支持（“狼狈为奸”）忠犬男助理。云小姐哩pair胜在样好以及故事情节更浪漫。另外云小姐同古监制嘅往事几集“回忆杀”亦整得可以。虽然同主角CP一样有一定年龄差感，但个人觉得哩对比主角果对更自然（唔喺讲演技）。
十仔，逐渐打磨、坚定自我，几乎变成偶像翻版，但又不失自己本性。作为古监制嘅“影子”角色，对其角色在处理感情及公事上，有互相影响及促进嘅重要作用。虽然唔喺点靓仔，但胜在靠谱。非常好，要赞佢我可能要讲几千字。值得笑下嘅喺，同期播放嘅《巨轮II》里面，有一集需要去《罗信记》拍摄，其中导演嘅角色疑似“十仔”（造型同讲嘢语调都有相似之处），可能喺睇《巨轮II》第五集之后比较开心嘅地方之一（因为第五集之后Sam哥夫两公婆就彻底收咗工，后面要忍陈凯琳同某位被网民称为“佛地魔”嘅女士担纲，仲有睇田蕊妮发神经）。
时生，猥琐佬，铁荷包，长相麻麻，沟女眼光亦好麻麻，但喺其实喺个唔错嘅老板。睇到后嚟我妈咁腌尖嘅人（哩句话唔可以俾佢见到）都觉得哩条友唔错。
Terry，傻傻地，除咗对嘉莉，对其他人都好缩骨，话要帮大佬，但其实成日激死大佬。Terry从上一部跟到过嚟，仲系叫Terry，大佬亦依然喺KC，不过角色戏份多咗好多，于是可以响原先嘅猥琐佬基础上，加翻啲傻得可爱、温柔体贴、随叫随到、“为咗你做咩都可以”嘅优点，即时立体咗好多。
Elsa，前期猛追十仔（冇发现追错人）嘅时候，执着到有少少烦（唔算严重，因为当时女主角嘅某啲行为更烦），后期放开单恋重新振作，感觉少女心较强，比较Q，定位啱啱好，配埋娃娃面嘅阿齐，冇得输啦（特别喺乡下虫鸣录音同圣诞礼物两集，写得可以）。
仲有唔少人我想写，不过实在唔想全部写完（因为会好攰），跟着我讲下想批评嘅地方。

正常情况下，我哋可以从TVB嘅片头群像剪辑，感觉到——至少喺情景剧嘅故事初期（短剧嘅话一般喺拍完先剪片花），剧组对于重要角色嘅确认。

从《八时入席》嘅片头中，我哋可以见到，从黄衫女主角林小小向右数，主要角色包括：林小小、古晓臣、云飞飞、古Sir、殷欣、十仔、林禾（禾仔）、招伟、赵丽虹、画哥。

其中好明显可以见到殷欣哩个角色（上图紫衣者），应该喺重要角色。殷欣的确在角色上有所成长，有虽然怕鬼但不畏艰苦，亦必须完成任务嘅决心同毅力，亦有办公室戏不可或缺的与同事起矛盾及和解（比如后期同余日潼一角友谊）的戏码，讲道理，应该喺个唔错嘅“新丁”角色。但实际上？扮演者（虽然都是歌手，但Elsa的扮演者自然得多）表情呆板，面瘫严重，苦瓜干面口，声音尖细发嗲，台词懒音明显，真喺好恶顶（不过仲系比《巨轮II》嘅“佛地魔”好啲）。我妈向来唔中意红线女果种花旦声线（主要喺把声好尖，我就冇咩问题），听到殷欣之后更加顶佢唔顺，宁愿食饭都唔睬佢。
对比其他角色，该角色显然存在感更低。就算200集中故意提出来佢嘅优点，话时生加佢人工，又或者喺之前做高官吃黑胶碟嘅报道，都仲系救唔到演技同个角色。另外，同期嘅《东张西望》曾报道邵佩诗（扮演者）有机会同秋官同台表演（好似仲喺台庆），可能TVB真喺想捧佢挂。但无论哩部剧顶喺其他剧（例如《幕后玩家》）嘅客串，佢都奉献出咗非常唔合格嘅演技，唱功就唔清楚啦╮(╯_╰)╭。

总结评价，作为一部八点档食饭时间嘅时装剧，本剧嘅部分内容虽然好似拍紧当年嘅隔离亚视（我喺吐槽禁剧中剧嘅某啲制作水平），但总体做得比较OK，我个人可以打个80分俾佢。在同系列中（暂时只播出了前三部），我将佢摆第二。

-------------------
原文原发于知乎，自己写嘅就唔带链接啦。
400看图网提供的《爱回家之八时入席粤语》在线观看地址以及《爱回家之八时入席粤语》下载地址来源于互联网。400看图网并不参与录制和制作，仅提供资源引用和分享，如果400看图网提供《爱回家之八时入席粤语》资源对贵方造成了损失或侵犯了贵方权益，请及时发送邮箱给管理员，我们将在48小时之内撤销有关《爱回家之八时入席粤语》所有内容。